باش يتفادا تضارب المصالح.. من بعدما نصبو ترامب رئيس لجنة "فاكسان كورونا" فميريكان.. السلاوي باع الأسهم ديالو فالشركة وتبرع بالملاين لابحاث على الكونصير

لتفادي تضارب المالح، منصف السلاوي، الخبير فمجال التلقيحات اللي عينو الرئيس الأمريكي دونالد ترامب مؤخرا رئيسا للجنة البحث عن لقاح ضد فيروس كورونا المستجد سماوها "Operation Warp Speed"، باع الاسهم ديالو فشركة "مودرنا" اللي كان عضو فمجلس إدارتها، حيت كتاخد دعم فدرالي، وهو دابا عندو منصب فالحكومة الفدرالية.
السلاوي، باع الأسهم ديالو من الشركة، اللي ساوية ما يقارب 10 مليون دولار، وتبرع بالأرباح اللي حصل عليها مللي تولى المنصب ديالو الجديد ف14 ماي، واللي واصلة ل 2,4 مليون دولار، لفائدة ابحاث لمحاربة السرطان.
وخدا السلاوي هاد القرار، من بعد الضجة اللي ناضت عليه مؤخرا، من بعد الضجة اللي نوضاتها السيناتور الديمقراطية اليزابيث وورن، واللي تاهماتو بتضارب المصالح، وبسباب هادشي دخلو مشروع قانون جديد لتفادي هادشي يعاود يوقع في البيت الأبيض.
السلاوي، اللي كان الرئيس التنفيذي ديال شركة "گلاكسو سميث كلاين GSK"، غادي يعاونو فمهمتو للبحث على فاكسان ضد كورونا، الجنرال اربعة نجوم گوسطات بيرنا،