وا بلهيسي وسير …. انت وگاع مدراءك ف"ميدي 1 تيفي". بزاف عليك يا للي كيدعم العصيان شي حد من المتخلفين اللي عندك فالقناة كلها من خياركم ونزل يملي علينا شي حاجة

صحافي "ميدي 1 تيفي" اسمو بلهيسي للي باغي يولي ينافس "مي نعيمة" و"نيبا" و"روتيني اليومي" كتبنا عليه ف"كود" قلنا ليه راه حماق ان صحافي فقناة اي قناة فالعالم يقلبها "لايڤ" باش يدور الحركة ويولي مؤثر. ما كاينة حتى قناة فالعالم تقبل هاد الشي مع صحافي خدام معاها رسميا الا بقرار مكتوب من الادارة.
هاد المتخلف اللي ديما خاص شي حد يحركو ما فاهمش باللي كاينين احرار. كيكتبو باللي مآمنين بيه. يا المتخلف باش ناضت صحف كدعمك واش هدر شي حد. علاش غير كتبات عليك "كود" وانت بحقارة كتكشف معدنك خرجتي كتبتي تدوينة "أوحي لأحد المواقع بمهاجمتي، ومن أوحى له جبان كعادته لا يقدر على المواجهة، جبان يختبئ وراء انجازات الآخرين، جبان حين اضطر للزواج درءا للفضيحة عندما ضبط بأحد فنادق طنجة. جبان عندما يتحدث باسم "الفوق" لإرهاب الاخرين وهو في الدرك الأسفل لهذه المهنة النبيلة. وصلنا بعرق جبيننا ولم نتسلق المراتب بالتبركيك والمناولة.
يكفيك يا جبان تعاليق الناس لتعرف قدرك وقدري".
حنا يوحى الينا. راه يا متخلف ما كتعرفناش. سير دابا تقود انت وباطرونك خيار وانت هابط. واش واحد عندو جبن حتى يعلن لانتماؤو يقدر يكون صحافي متحرر من العقد؟ وسول هاداك خيار ديالك واللي حطو تماك يخبرك واش كاين شي حقير يقدر يوحي الينا. غير من المعجم اللي كيوظف تعرفو اسلامي مخبي متخلف
سير سول هادوك اولياءك فحزب العدالة والتنمية غاديين يقولو ليك شكون "كود". هادوك اللي باغيين يدعموك باش تمشي عند لخوانجية ديال قطر. انت يالله درتي عندهم هادي اشهر تيست باش تخدم معاهم فالجزيرة. اصلا خدام مع هاد التيار سنوات هادي.
الجبن هو اللي عايش فيه. الجبن هي ادارة قناتكم اللي غادية للحيط ومخلية بحالك مقابلين اللايڤات.
واحد كيدعم العصيان وكيقول ليه "مشهد للتاريخ" كيبين باللي داير التقية ما كيأمن لا بدولة لا بمؤسسات. كيأمن باللي قال ليه الشيخ ديالو. تفو الله ينعلها سلعة