التلفيق فراس العام. كيفاش ممكن تكون فالحكومة وتخبر زعيم حزبك باللي غادي تستاقل وانت ما فراسك والو وباطرونك ما عندو علم. هاد الشي اللي وقع لحفيظ العلمي ولاخنوش

كنا كنعتاقدو ان التنجيم فالحكومة كيكون غير فشهر ابريل. شهر لكذوب. دابا حتى فراس العام فيه التنجيم. يمكن كيكثر بزاف. تصور ان وزير التجارة والصناعة والاستثمار مولاي حفيظ العلمي مريح خدام حتى يسمع باللي اتصل واخبر وزير الفلاحة والصيد البحري عزيز اخنوش اللي فنفس الوقت رئيسو فحزب التجمع الوطني للاحرار٬ باللي باغي يستاقل. طبعا “كود” باش تاصلات بمولاي حفيظ وباخنوش باش تسولهم ما فراسهم والو.
دابا هاد الشي كيقولو باللي كان غير بيناتهم بجوج. يعني شي جني ولا دايرين شي موشار فتلفوناتهم كيتجسسو عليهم.
الوزرا بجوجهم منداهشين على اشاعة طلقات عليهم. مع هاد ليام اللي بقات فهاد العام الخايب ممكن تتوقع كلشي.