سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الحصيلة الوبائية لفيروس كورونا فهاد 24 ساعة: 121 تصابو و97 تشافاو وواخد مات.. الطوطال: 7332 وغير اليوم دارت أكثر من 10 آلاف تحليلة وجهة كازا بوحدهها سجلات 88 حالة
اعلن محمد اليوبي، مدير مديرية الأوبئة ومحاربة الأمراض، على تسجيل 121 إصابة جديدة بفيروس كورونا المستجد فهاد 24 ساعة الأخيرة، يعني من 4 دالعشية لبارح الخميس حتى للربعة دالعشية اليوم الجمعة، ووصل عدد المصابين فالمجموع ل7332. من هاد الحالات الجديدة، قال اليوبي، فالندوة اليومية للترصد الوبائي لفيروس كورونا المستجد، أن 85 فالمية منها تكتاشفات عن طريق عملية تتبع المخالطين، أي تحديدا 102 حالة، ومنذ بداية الوباء وصل عدد المخالطين اللي تم التتبع ديالهم ل40574. وكشف اليوبي أن أكبر عدد ديال الإصابات اليوم تسجل فجهة كازا سطات، بوحدها فيها 88 حالة، بينما تسجلات إصابات اخرى فجهة طنجةتطوانالحسيمة، وإصابات قليلة ومتفرقة فجهات أخرى، باستثناء جهات درعة تافيلالت والجهة الشرقية وجهة بني ملالخنيفرة وكَلميم وادنون والداخلة واد الذهب والعيون والساقية الحمرة اللي ماسجلات حتى إصابة. وارتفع اليوم عدد التحاليل لاكثر من 10 آلاف تحليلة، وتم استبعاد 10284 حالة كان مشتبه إصابتها بالفيروس غير اليوم، وبلغ عدد الحالات المستبعدة فالمحموع 116070. واليوم تسجلات، وفات وحدة، وبلغ العدد فالمجموع 197، ونسبة الإماتة استقرات ف2,7 فالمية. بالنسبة لحالات الشفاء، تسجلات 97 حالة إضافية، ووصل عدد المتعافين فالطوطال ل4277، بنسبة شفاء ارتفعات ل59,7 فالمية. وبالنسبة لمؤشر انتشار الوباء، أكد اليوبي أنه تحدد ف0,81، لكن حذر من أن المؤشر كيبقى مرتفع فبعض الجهات اللي كتعرف ارتفاع حالات الإصابة، بحال كازا سطات اللي المؤشر فيها واصل ل1,11، ومراكش آسفي (0,92) وطنجةتطوانالحسيمة (0,89). ووصى اليوبي بمزيد من الحذر، والالتزام باجراءات التباعد الاجتماعي، وضوابط النظافة باش يتقلص عدد الحالات ونخرجو من الأزمة. وهذا توزيع الإصابة بكورونا فالجهات بالنسبة المئوية:
