الدليل العلمي على حكومة التفاهة ماشي حكومة الكفاءة. رئيسها هربان وبيان وزير خارجيتها غادي يدخل التاريخ فالغباء

نهار اللي تعينات هاد الحكومة فنسختها المعدلة قالو لينا حكومة الكفاءات. طبعا يستحيل واحد ماشي كفء بحال رئيسها يدير حكومة بهاد الاسم. جا عبيابة ناطقها الرسمي وهو يريب الحفلة كلها فرشها وبين ضعفها. دابا بيان البارح دليل واضح على تفاهتها.
حكومة تخلات على مواطنيها اللي حصلو برا ودخلات من شي 43 الف قل من 8 الاف وناضت دار بيان شوهة بكل المقاييس.
بيان كيقول باللي يسمح ل"لمواطنين المغاربة والمقيمين الأجانب بالمملكة وكذا عائلاتهم" هما اللي يقدرو يدخلو ل"التراب الوطني ابتداء من 14 يوليوز 2020 ( عند منتصف الليل) عبر نقطالعبور الجوية والبحرية" ولكن ماشي من اسبانيا اللي قريبة بل ايطاليا وفرانسا.
ولكن العبث هو خاصك دير تيست 48 ساعة قبل من الطيارة.
يعني اللي بغى من هادوك اللي حصلو يدخلو يدبر راسو ويدير هاد الشي ولا ما يجيش. حكومة كتخلى على مواطنيها وهي اللي سدات الحدود وما دارتش كيف دول العالم وجابت هاد الناس ديالها
المعارضة عوض ما دير خدمتها ناضت كتقول بلاغ مبهم. واش محتاجينكم باش نوصفوه بهاد الوصف. راه غريب وتافه ووو ولكن اش نا هي تحركاتكم والحلول اللي كتقتارحوها