المان كيشككو فاللقاح الروسي ضد كورونا فيروس اللي قدمو رئيسها ڤلاديمير بوتين. ما تايقينش فيه. هاد الشي نقلات ملخصو "دوتشيڤيلي" فالنسخة العربية. وزارة الصحة الالمانية قالت باللي هاد الڤاكسان ما معروف عليه والو. ما عارفين والو على فعاليتو ولا نوعيتو ولا سلامتو. الوزارة هدرات مذكرة سلامة المرضى فالاتحاد الاوربي وقالت باللي هادي الوية الأولويات. بخصوص واش غادي يتجرب عنهم كانو حاسمين "خاص التجارب السريرية باش نعرفو فعاليتو واثارو الجانبية وجودتو الدوائية. حتى الاتصال بالروس ما كاينش وفق هاد المسؤول. المان كانو قاصحين. انتقدو غياب بيانات على هاد اللقاح اللي قال بوتين غادي يتم تداولو فيناير 2021. وكانت عالمة الفيروسات الفرنسية ماري بول كيني النائبة السابقة للمدير العام لمنظمة الصحة العالمية صرحات لوكالة الانباء الفرنسية باللي"هذا الإعلان سابق لأوانه لأننا لا نعرف بعد ما إذا كان هذا اللقاح (أو أي لقاح آخر) سيقي من كوفيد-19′′، ولا "ما ستكون عليه مدة الاستجابة المناعية" معتبرة أنها لا تكون في الواقع "لدى الإنسان لأكثر من بضعة أشهر أو أسابيع" بعد الجرعات الأولى.
