تفاصيل حصرية. ها قصة تصويرة مدرسة "الطوريس" اللي شوهات الدخول المدرسي. المدير جمع 3 المستويات فالصباح وبرمج 3 خراين فالعشية باش يسالي كلشي فنهار ويرتاح

[email protected]
ينتظر أن تعلن المديرية الأكاديمية للتربية والتكوين بجهة فاس مكناس، خلال الساعات المقبلة، عن نتائج التحقيق اللي دارتو لجنة حول صورة صدمات كلشي لقسم كلشي مدكس فيه فاول نهار من الدخول. هاد الشي وقع فمدرسة عبد الخالق الطريس. مع هاد الشي ديال كورونا، بان كلشي ضد اجراءات الوقاية. لا تباعد لا مالين بويه. ما عقلوش على المذكرة الوزارية 20X039.
المعلومات اللي عند "كود" من مصدر مطلع بمكناس، أن مدير المدرسة هو اللي مسؤول؟ وعلاش غير هو بوحدو؟
مصدر "كود" رد "هو ما حتارمش مقتضيات المذكرة الوزارية 20X039، مشى عيط على آباء وأولياء تلاميذ المستويات الأول والثاني والثالث جميعا خلال الفترة الصباحية ليوم الإثنين 7 شتنبر 2020
وكان مبرمج الرابع والخامس والسادس فالعشية يضيف مصدر "كود"
المصدر قال ل"كود" بللي كان مبرمج كل نص نهار مستوى وهاد الشي غادي يبدا من الاثنين حتى لاربعا، غير السيد بغى يسالي كلشي ويمشي يرتاح. كلشي يساليه الاثنين باش يبقاو الثلاث ولاربعا خاويين ليه يضيف مصدر "كود". كيفاش عيى من اول نهار للقراية. غريب هاد الشي.
المصدر شدد فتصريحو ل"كود" باللي هو المدير اللي مسؤول على كلشي، حقاش ولو كان هاد المدير احترم مقتضيات المذكرة أعلاه باستقبال المستوى الأول في هذه الفترة، والمستوى الثاني في الفترة الزوالية والمستوى الثالث في الفترة الصباحية لليوم الموالي، فإنه كان بإمكان هاد المدرسة تستقبل 8 أفواج بمعدل 10 تلاميذ للحجرة الدراسية الواحدة، وبالتالي مغاديش يكونو التلاميذ شي لاصق فشي كيف بان فالصورة التي تم الترويج لها على نطاق واسع. يضيف مصدر "كود".