الوزير أمزازي ل"كود": ها اللّي خلانا نعلنو على العطلة ليلاً ودبا حنا فرمضان والأهم دبا هو احترام الحجر الصحي

خلف البلاغ الذي أعلنت فيه منتصف ليلة الأحد – الإثنين، وزارة التربية الوطنية والتكوين المهني والتعليم العالي والبحث العلمي عن برمجة عطلة في الفترة الممتدة من 27 أبريل إلى 3 ماي 2020، جدلاً واسعا على مواقع التواصل الاجتماعي.
أغلب الأساتذة ارتاحتو مني طاح البلاغ ومعندهومش مانع يصدر مع ال12 ديال الليل أو انهار حقاش قال عدد منهم ل"كود": راه حنا ف الحجر الصحي وفي شهر رمضان، واللي مهم هو غادي نرتاحو شويا باش نجدُّو الطاقة ديالنا وتكون مردودية للتعليم عن بعد أكثر".
هاد الجدل اللّي خلقو القرار يتمثل في الزمان اللّي اخرج فيه بلاغ الوزارة. عدد من رواد موقع التواصل الاجتماعي "فايسبوك" تساءلوا، ومن بينهم يوسف بلحايسي الصحافي بقناة "ميدي1 تيفي"، اللّي دار تدوينة وتساءل فيها: "شنو لي يخلي وزارة التربية الوطنية تعلن على العطلة في منتصف الليل؟!!!".
في مقابل هاد النقاش. يرى وزير التربية الوطنية والتكوين المهني والتعليم العالي والبحث العلمي، الناطق الرسمي باسم الحكومة، سعيد أمزازي، أن المعلومة عادي تخرج في أي وقت، وخاصة أننا نحن الآن في شهر رمضان.
وأوضح المسؤول الحكومي، في تصريح ل"كود"، قائلاً: "هاد العطلة بغينا منها يكون وقت ديال الراحلة للطبة والتلاميذ والمتدربين، وأكدنا على واحد القضية مهمة هي باش ميسفار حتى شي حد ويخرق حالة الطوارئ الصحية".
وبخصوص علاش الوزارة خرجات البلاغ فداك الوقت بالضبط، يضيف الوزير أمزازي، في ذات التصريح، قائلاً: "كان تخوف من الإعلان عن العطلة نهارا وتمشي الناس تسافر أو شي حاجة أخرى من هاد القبيل، لكن المعلومة عادي تخرج وقتاش ما كان، ودبا حنا في شهر رمضان".
ودعا الوزير أمزازي، اللي اصدر قرار حكيم وأسرة التعليم كولها عجبها، كل التلاميذ والطلبة والمتدربين باش يبقاو في الحجر الصحي، والالتزام به، مؤكدا أن هاد العطلة جاءت باش ياخدو التلاميذ والطلبة قسط من الراحة هدفها تجديد نشاطهم الذهني والجسدي.