قضية بيع "بروديك" و"الڤيلا" بين الطرومباطي وبنشرقي. علاش ستامعو لخالتو 5 سوايع واش گال الشيفور.. ها جديد هاد الفيلم الهوليودي

كل نهار كتعرف قضية مصنع بروديك وفيلا رجل الاعمال سعيد بن شرقي الجديد. وفق مصدر "كود" البارح استمعات الفرقة الوطنية للشرطة القضائية أكثر من خمس ساعات لفوزية الشرايبي خالة بن شرقي والمساهمة وعضوة فمجلس ادارة مصنع بروديك ديال الصباغة. هادي كان عاطيها ولد اختها وكالة وبينات المعطيات باللي يمكن كاين خيانة الامانة والدفاع على مصالح اللي شرى الشركة الملياردير الجديد احمد الطرنمباطي.
في بعض المواقع الاعلامية نهاية الاسبوع يتهم فيها عاىلة بن شرقي انه وقع ضحية عملية ابتزاز وجميع والوثاىق سليمة وغير مزورة .حيث استمعت الفرقة الوطنية يوم الاتنين من ساعة العاشرة الى حدود الساعة الخامسة.
وفق ما توصلت به "كود" فانفوزية الشرايبي اللي بقات من العشرة دالصباح حتى الخمسة٬ شرحات بتفصيل انها لم توقع على حتى شي وثيقة٬ وباللي رسلات استقالتها وكانت تتسلم عند تولي سعيد بن شرقي ادراة المصنع بعد رجوعه من امريكا عشرون مليون سنتيم شهريا الى حين ظهور ملاك الجدد وقالت بالحرف كيف يعقل ان ابيع اسهم شركة من حجم بروديك تمارس نشطها مند 1953 من قبل استقلال بعشرين مليون. الثمن الذي يقول عليه الطرمباطي.
كود عندها شريط ديال الشيفور السابق للطرمباطي واسمو هشام الشعراوي. هادا وجه اتهامات كبيرة بزاف وهدر على عمليات الامضاء والتزوير وباللي محمي من ناس كبار.
كيقول باللي هو زور ليه شيك بمليار و700 مليون باش يدخل على الفيلا اللي فعين الذياب واللي كانت فمزاد.
دابا هاد الشيفور استمعو ليه وقدموه للنيابة العامة وتابعاتو فحالة سراح وحالتو في نفس اليوم على الفرقة الوطنية استمعت له في محضر شرح للمحققين امور كثيرة وقال باللي كان كيديرها الطرمباطي. هدر على شركات وهمية وعلى تهرب ضريبي وعلى تهرب جمركي.
طبعا المحققون ماشي صغار غاديين يديوها فتصريحات خاص الادلة بعد البحث والتدقيق.
هاد شعراوي قال باللي عرضو عليه 40 مليون وطونوبيلة غير باش يسكت وباللي رفض.
كود كانت في 2017 كتبت قي قضية بن شرقي اللي خرجوه فكوفر طونوبيلة من باب سبتة ودخلوه لاسبانيا. سنعود في تفاصليها كما صرح لنا بيها سعيد بن شرقي في تصريح مطول لكود .
واستمعت كذلك لخالة سعيد بن شرقي في موضوع شكاية التي ظلت بين مكاتب 3 محامون لازيد من 3 سنوات٬ حسب قول المشتكية وان وضعت شكاية باحد محامي بهيىة البيضاء لدى النقيب الذي لم يحركها الى حدود كتابة هذه السطور وكذلك امام وكيل الملك بالمحكمة الابتداىية الزجرية عين السبع .
وينتظر في الايام قليلة المقبلة ان يعرف ملف الطرومباطي مفاجئات كبيرة بزاف بزاف. شكون كيدعم شكون وعلاش. هاد الشي تعرفوه لاحقا