ها ماقالت الشوافة.. موقع SpyTalk هضر على استعداد المغرب للتطبيع مع إسرائيل: ترامب صيفط المدير بالنيابة ديال المخابرات الأمريكية باش يتلاقى محمد السادس ويساهم فدخول الرباط فعلاقة رسمية مع تل ابيب

قال موقع SpyTalk الإخباري في مقال بعنوان "the diplomat and the cage fighter"، نقلا عن مسؤول أمريكي رفيع رفض الكشف على الاسم ديالو، أن الرئيس الأمريكي دونالد ترامب تدخل باش يساهم فدخول المغرب فعلاقة جديدة ورسمية مع إسرائيل.
وزاد المسؤول أن ترامب صيفط السيمانة اللي فاتت المدير بالنيابة ديال المخابرات فميريكان، ريتشارد گرينيل، باش يتلاقى الملك محمد السادس.
وكشف المسؤول نفسو أن الهدف من الزيارة ماكانش واضح، لكن بعض المراقبين شافو أن ترامب كلفو باش يساهم فدخول المغرب فتحالف مع إسرائيل ضد إيران، وينظم للبحرين والإمارات العربية المتحدة فالتطبيع مع الدولة العبرية.
نفس الموقع قال أن گرينيل سبقلو كان سفير ديال ميريكان فألمانيا، وأنه هو اللي سهل للمقاتل أبو زعيتر يدخل لميريكان، من بعد ما ترفض ثلاثة ديال المرات، بسبب تاريخو الإجرامي.
وهذا رابط المقال كامل:
https://spytalk.substack.com/p/the-diplomat-and-the-cage-fighter