خاص. راه ما وصلش الڤاكسان الصيني ضد كورونا للمغرب. راه غير عملية محاكاة باش نكونو واجدين – تصاور وفيديو

استنفار أمني كبير كاين فالدخلة ديال الوكالة المستقلة للتثليج فكازا. كلشي كيوجد لوصول اول دفعة ديال ڤاكسان لقاح فيروس كورونا.
وفق مصدر رسمي ل"كود" فان الاستنفار الامني والاعداد لاستقبال اللقاح اللي وقعات اليوم الخميس هي "عملية محاكاة" باش كلشي يكون مقاد نهار وصول الڤاكسان بصاح. ووفق مصدر "كود" فان كل ما تم اليوم فوكالة التثليج، واللي كيقدر يخزن ملايين الجرعات٬ تدخل فهاد "الستيميلاسيون"
وكانت هيئة تنظيم الأدوية الشينوية قبلات طلب شركة سينوفارم لطرح جوج لقاحات مضادة لفيروس كورونا المستجد فالسوق، منها اللقاح اللي اعتمدو المغرب بشكل رسمي.
وحسب تقارير إخبارية شينوية، فالهيئة عطات الموافقة لاعتماد اللقاح، وحددات تاريخ 1 يناير للتفويض الرسمي للقاحين، اللي مصوب اللول فبيكين والثاني فووهان، وهذ الثاني اسمو BBIBP-CorV وهو اللي اعتمد المغرب.
يتوقع ان يستقبل المغرب من الشينوا 10 مليون جرعة فاللول.
بهاد عملية المحاكاة، يمكن التنبؤ بقرب وصول اللقاح ثم بدء حملة اللقاحات فالقريب العاجل، خصوصا وأن اللقاح سجل نتائج إيجابية فالمرحلة السريرة الثالثة اللي داريراها سينوفارم، كيف تبث نجاعتو بنسبة 86 فالمية فالتجارب السريرية اللي تدارت فالإمارات.