الحريك لكناريا وصل لرقم قياسي ماوصلوش هادي 14 العام.. وها شحال ماتو ف 2020

لحريك فسنة 2020 لجزر الكناري، وصل لرقم قياسي، حدداتو السلطات الاسبانية فارتفاع بنسبة 880 في المائةعن سنة 2019.
وقالت وسائل إعلام إسبانية نقلا عن سلطات البلاد، أن 23500 حراك، خرجو من المغرب ووصلوا لكناريا ف 2020 وهاد الحراكة نصهم مغاربة وابباقي من دول جنوب الصحراء، أما في اسبانيا وجزر البلياؤ فقد بلغ عدد الحراكة لي وصلوا العام المنصرم 16000 حراك، النسبة الكبيرة منهم جزائريين، حيث بلغ عددهم 11200 جزائري، هادو خرجوا من سواحل الجزائر.
وفذات السياق، غراق 45 زودياك ديال الحراكة ف 2020، ماتوا فيها 1851 حراك واللي كانو ماشيين لجزر الكناري، أما لي ماشيين لاسبانيا ديريكت فوصل عدد الوفيات فيهم 319 ضحية، وهادشي حسب منظمو كاميناندو فرونتيراس اللي كتترأسها الناشطة ايلينا مالينو لي ساكنة فطنجة.