شخص "احمق" ذبح وليّد عندو 3 سنين فالراشيدية.. مول الفعلة سبق ليه ذبح بهايم وديما كيهدد فالناس وها علاش الساكنة حملات المسؤولية للسلطة

اهتز قصر تازكارت ببودنيب بإقليم الرشيدية، أمس الأحد، على وقع فاجعة ذبح طفل عمره 3 سنوات، أقدم شخص يعاني من خلل عقلي على ذبحه من الوريد إلى الوريد بدم بارد وبلا رحمة ولا شفقة.
وحسب مصادر محلية، ل"كَود"، فإن مول هاد الفعلة سبق ليه ذبح حمار وهدد المارة بسلاح أبيض دون أن تتدخل السلطات حسب ما جاء على لسان عدد من ساكنة القصر. هاد المسطي جديد على الدوار ويقال أنه جا من الجهة الشرقية وتحديدا وجدة.
وأكدت المصادر أن مول هاد الفاجعة كان ديما كيهدد الساكنة وحتى الحيوانات، والبارح مشا عند دراري صغار كيلعبو الكرة وشد واحد فيهوم وذبحو من الوريد للوريد. الساكنة خرجات تحتج على هاد المصيبة وحملات المسؤولية للجدارمية وحتى السلطة حقاش لم يتم توقيفه لحظة تهديده الناس.