هربو 200 دقة وحدة وماتو 25.. هروب جماعي من حبس داير روينة فهايتي

كشفو مسؤولين فهايتي أن 200 حباس ما زال هربانين، من بعد نهار على الهرروب دياهم من حبس قريب للعاصمة بور أو برنس، وهذ العملية ماتو فيها 25 واحد، من بينهم 6 دالمحابسية ومسؤول فالحبس.
والخميس هربو من حبس "كروا دي بوكي" 400 واحد، النص فيهم تشد وشي وحدين ماتو، و200 دابا اللي باقيين هربانين.
وكشف فرانتز إكزانتوس، وزير الدولة للاتصال، أنه تم القبض على السجناء اللي كانو هاربين فكاميو، ومعاهم حراس مسلحون، "والبوليس دايرين جهدهم باش يقلبو على اللي بقاو"، كيف قال.
وزاد: "كان من بين القتلى بعض المواطنين العاديين الذين قتلهم المساجين أثناء فراراهم"، وكانو بانو ففيديوها جثث مرمية فباب الحبس ديال 3 أشخاص على الأقل.
ومن بين الحباسة اللي ماتو فهذ العملية زعيم عاصبة سمينو أرنيل جوزيف، تقتل بالقرطاس الجمعة، عند نقطة تفتيش تابعة للشرطة تقع على بعد 120 كلم شمال السجن.