سوبر ليگ غادية دخل بوكو عمار. لفراقي لكبار غاديين يدخلو 3.5 مليار اورو

اعلان 12 فرقة اوربية انشاء "سوبر ليگ" كيف جابتو "نيويورك تايمز" زلزل عالم الكورة فالعالم ماشي غير اوربا. حقاش هاد لفراقي كبار بزاف وهي : ميلان وإنتر ويوفنتوس من إيطاليا وأتليتكو مدريد وريال مدريد وبرشلونة من اسبانيا وآرسنال وليفربول وتشلسي ومانشستر سيتي ومانشستر يونايتد وتوتنهام من إنجلترا. هاد المسابقة خداوها من مسابقة كرة السلة الامريكية "ان بي اي" وطبعا كلشي على لفلوس. دابا هاد لفراقي كيتسناو مواقفة 3 فراقي باش يوليو 15 وكل عام يزيدو عليهم 5 لفراقي على حساب نتائجهم. من المتوقع يبداو شهر غشت 2022 وتستمر 3 السيمانات. هاد عشرين فرقة اللي منها 12 نادي مؤسس٬ تكون فنفس التاريخ =غشت=. تقسم هاد 20 لمجموعتين يلعبو ذهاب واياب وتتأهل 3 لفراقي من كل مجموعة لربع نهاية واللي جا الرابع والخامس فكل مجموعة يلعبو ماتش بيناتهم باش يتأهلو للبلايص اللي غادي تبقى فالربع.
حسب ما نشر فهاد سوبر ليگ غادية تجيب 6 مليار اورو فالعام تقاسمها 20 فرقة. بالارقام غادية تجيب 3 المرات الللي كيتجيو الشامبيانز ليگ اللي كتفرق يالله 2 مليار على 32 فرقة. اكبر مستثمر فهاد المشروع عو البنك الامريكي "جي بي مورگان" اللي وعد هاد السوبر ليگ باستثمار ما بين 4 و6 مليار اورو. طبعا ايلى بان ليه الربح فهاد الفيلم. البنك قال اليوم فبيان ليه "اؤكد باللي غاديين نمولو هاد العملية".
هاد الزلزال خلى السياسيين الاوربيين يرفضوه من ماكرون رئيس فرانسا حتى بوريس دجونسون الوزير الاول الانكليزي او رئاسة الحكومة الاسبانية كلهم قالو اللا لهاد المشروع