هدد وزير العلاقات مع الاتحاد الاوربي فالحكومة الالمانية مايكل روث المغرب٬ وقال فحوار اليوم مع الجريدة الاسبانية "الباييس" "الاتحاد الاوربي كيعطي لدول بحال المغرب لفلوس باش تعطي افاق لشباب هاد الدول ويديرو ليهم فين يخدمو. عندي احساس ان هاد الشباب ما عندو مستقبل وباللي تحول لعملة للابتزاز السياسي من قبل الحكام" واضاف الوزير الالماني "الاتحاد الاوربي ما يقبلش بهاد الابتزاز" قبل ان يضيف ان صور ما وقع فسبتة "صدمو بزاف" فهاد الحوار قال المسؤول الالماني ان ان الاتحاد الاوربي خاصها بشكل مستعجل سياسة مشتركة فالهجرة واللجوء. واوضح انه لن يسمح لدول اعضاء باش تمنع من التوصل لحد. واضاف "ايلى فشلنا فهاد الميثاق المشترك٬ كيبقى لينا تحالف جاد للتضامن" بين دول عندها اهداف مشتركة فهاد القضية. كما تحدث عن تباين وجهات نظر دول الاتحاد فهاد القضية وسبل الخروج من هاد الطريق المسدودة طبعا تصريحات الوزير الالماني ماشي تضامنية مع اسبانيا وصافي٬ بل نوع من الانتقام من المغرب اللي قطع علاقاتو الديبلوماسية تقريبا مع المانيا بعد استدعاء سفيرتو فبرلين وبعد تعليق التعاون الامني بين الدولتين رابط الحوار في "الباييس"
