الشوهة. فعز الحرب فغزة: هنية خاسر كثر من مليون دولار فأوطيل واعر فالدوحة- فاكتورة

نشر الأكاديمي والإعلامي الإسرائيلي، إيدي كوهين، فاتورة إقامة قائد المكتب السياسي لحماس، إسماعيل هنية، فواحد من أحسن أوطيلات العالم فالعاصمة القطرية الدوحة، فاتت فالمجموع ديالها مليون دولار.
وحسب المعطيات اللي ورداتها ففاكتورة الإقامة فهذ لوطيل، اللي سميتو "ماندارين أوريونتال الدوحة"، كَلس هنية 11 يوم، لكن خلص الطوطال ديال 333 يوم، هذ الضياع ديال الفلوس كامل غير باش يتنقل قائد حماس بين الأجنحة والغرف الملكية الفخمة جدا، اللي مشروط للاستفادة منها على الزبناء يكَلسو فيها لمدة أطول، أو يخلصو كَاع عدد الأيام المشروطة لكل غرفة إلى كَلسو قل.
وفوق هذشي، ستفد هنية من خدمات متنوعة، منها السبا، والترونسبور، وقاعات الاجتماعات، وهكذا وصل الثمن فالطوطال لمليون و45 ألف و604 دولار أمريكي.
وفتعليق كوهين على هذشي قال، فالتدوينة المرفوقة بالوثيقة على صفحتو ففيسبوك: "فعز "العملية"، كانو شي وحدين فعطلة، ودوزو وقيتة زوينة بحال إسماعيل هنية، واخا هي عطلة غالية شوية".
والفاكتورة بينات بالواضح والملموس تشلاهبيت ديال حركة حماس اللي كيعتابروها عرب منظمة تحرير لفلسطين ودرجها الغرب واميركا منظمة ارهابية، وكيفاش كيلعبو بمشاعر الشعب وبارواح اطفال... كيدخلوهم فحروب وهما عايشين ملوك فافخم لوطيلات فالدوحة اللي كتعامل بزاف مع اسرائيل.
https://www.facebook.com/755961464/posts/10159108863281465/?d=n