ويكيبيديا ولات بالدارجة.. كاين 3933 مقال بلغتنا بمساهمة 60 ناشر

كيمكن للناس دابا يديرو الأبحاث ديالهم على موسوعة ويكيبيديا الحرة بالدارجة المكتوبة بالحروف العربية، بفضل الفيرسيون اللغوية ديال ويكيبيديا بالدارجة، اللي كتشمل فالمجموع 3933 مقال بمساهمة كثر من 60 ناشر، وكاينين حتى مقالات بالصوت.
النسخة المغربية من الموسوعة هي مشروع جديد تدار رسميا فيوليوز 2020، ودار بلاصتو مع اكثر من 300 نسحة بلغات ولهجات مختلفة.
وحسب واحد من مسؤولي النسخة اللغوية الجديدة، فقبل ماتدار اونليني، خاصها ضروري تدوز من Wikimedia Incubator، واللي كتساعد على التنظيم، والإعداد، وتعديل وتجربة هذ اللغة الجديدة على الموسوعة.
وكان هذ المشروع تقدم للموسوعة ف2008 لمؤسسة ويكيميديا فسان فرانسيسكو، الحاضنة لموسوعة ويكيبيديا، ولكن كان فيه ارتباك حيت كاين اللي كيكتب الدارجة باللاتينية وكاين اللي كيكتبها بالعربية، وهذشي مامنعش باش ياخد الموافقة، حيت الدارجة عندها ما يكفي من الاهلية باش تعتمد، بحال رمز ISO 639، ووجود عدد كافي من الناطقين بها، لكن من بعد مابقاش هذ المشروع دار حتى ل2019 من بعد ما نفذوف مجموعة مستخدمي ويكيميديا المغرب اللي تأسسات ف2015.
وف10يوليوز 2020، تمت الموافقة على المشروع من طرف مجلس إدارة ولجنة اللغات داخل مؤسسة ويكيميديا.
وخدامة مجموعة مستخدمي ويكيميديا المغرب دابا على معجم بالدارجة وموسوعة بالامازيغية.
التفاصيل هنا:
https://www.medias24.com/2021/06/10/la-darija-fait-son-entree-dans-wikipedia/