حصيلة كورونا اليوم: 229 ألف خداو الجرعة الثانية من الفاكسان و109 تصابو بالفيروس

فالحصيلة اليومية لفيروس كورونا المستجد اللي علنات عليها وزارة الصحة اليوم الاثنين 14 يونيو، ففهذ 24 ساعة الأخيرة تقاسو 109، وماتو 2، وفالمجموع 3346 اللي كيتعالجو، وكثر من 229 ألف خداو الجرعة الثانية.
التلقيح:
اليوم تلقحو غير 2321، بالجرعة اللولة، ووصل عدد الملقحين بيها ل9365541، بينما 229565 اللي خداو الثانية، ووصلو هكذا فالمجموع ل7324256.
الإصابات:
تقاسو اليوم 109 واحد من أصل 4489 واحد دار التحليلة، ووصل عدد المصابين فالمجموع ل523999.
ومؤشر الإصابة التراكمي وصل ل1440,3 لكل 100 ألف نسمة، بمعدل 0,3 لكل 100 ألف نسمة فهذ 24 ساعة.
حالات الشفاء:
تشافاو اليوم 314، ووصل الإجمالي ل511440، بنسبة تعافي ديال 97,6 فالمية.
الوفيات:
واليوم ماتو 2، واحد فكازا وواحد فبني ملال، ووصل هكذا عدد الوفيات ل9213، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل3346، وعدد الحالات الحرجة ل214 حالة، 18 تدهورات غير اليوم، و3 تحت التنفس الاختراقي، أما نسبة ملء أسرة الإنعاش بلغات ل6,8 فالمية.