مع بداية الصيف.. ريح مجهدة طيرات سقوفا ديال الديور ف الشينوا – فيديو

الجو في العالم مامفهومش و تخربق بزاف.
في الوقت اللي الناس كايموتو بالصهد ف كندا اللي قربات فيها الحرارة ل 50 درجة، سكان في مناطق شرق الشينوا كايعيشو حالة أخرى ديال الرعب بسباب البرد و الريح الكثير اللي دار روينة فالمنطقة، طير سقوفا ديال عدد من الديور، و الحيوطة كايريبو و الشجر كايتقلع من بلاصتو...
مقاطعة "شاندونكَ" عرفات برد قوي والناس في الطريق ولاو خايفين على حياتهم لا تجي فيهم شي شضية طايرة أو أي حاجة ممكن تهزها الريح.
و حتى الحركة ولات صعيبة بزاف على برا وبانو عدد من الناس ماقادرينش يتمشاو عادي بقوة ما الريح كانت مجهدة و كتأثر على الحركة ديالهم، خصوصا الكبار منهم.
البرد تسبب حتى في سقوط بوطوات ديال الضو والكَرياج ديال الطرقان والمدينة ولات حالتها حالة.