ماقدرش يحضر مهرجان الجاز ففرنسا بسباب الفيزا.. الفنان مجيد بقاس طالع لو الدم: خاص وزارة الثقافة تتدخل والقائمين على المهرجان يعاونو الفنان باش يسافر بلا عراقيل

ماقدرش الفنان مجيد بقاس يشارك يحضر مهرجان الجاز ففرنسا، اللي كان مشارك فيه فحفلات مع "ماجيك أبيريت كارتت"، بين 1 و3 يوليوز الحالي، بسباب التاخر فمنحو الفيزا باش يسافر من المغرب لتماك،
الفنان تكرفص وشحال وهو يطلع ويهبط فالقنصلية باش ياخد الفيزا فالوقت ووالو.
وفاللخر، كشف بقاس، فتدوينة ليه على "فيسبوك"، أنه قدر يوصللفرنسا ف30 يونيو، لكن الحفلات كان تاريخها قريب وماستطعش يحضرها، وتآنيلات.
والدرس اللي فهم بقاس من هذشي اللي وقعليه، أنه ماخصوش يطلب الفيزا من خدمة TLS contact، بل يشوف شي حد موثوق فالقنصلية ومختص بالشؤون الثقافية.
وقال بأنه حتى المكلفين بالمهرجان برا خاصهم يعاونو الفنانين باش ياخدو الفيزا، "حيت الدور ديال الفنان هو يوجد باش يدير عرض بظروف مزيانة، وماشي يجري على ليمن واليسر باش ياخد الفيزا".
وكيخص، حسب بقاس، وزير الثقافة المغربي، والنقابات الموسيقية، تحمي الفنان اللي كيمثل وكيشرف المغرب، بتشهيل الكونترا مع الخدمة ديال الفيزا، "وهذشي اللي خصو يكون بان نتفاداو فنان آخر يطيح فنفس المشكل اللي طحت فيه أنا"، على حساب هضرتو.
https://m.facebook.com/story.php?story_fbid=3012929092320248&id=100008095601296