عاجل. دولة اللا قانون فسطات دارها اعسيلة. جاب شمكارة بسيف هرس بيبان سكان الحي هو مراتو اللي فرملية وما كتخدمش فكازا باش يخليو ليه المحلبة قهوة ديال الشيشا والسلطة كتفرج

كان كيبان موضوع عادي. مواطن اسمو اعسيلة فحي الربيع بسطات عندو رخصة ديال محلبة فتحها ورجعها قهوة ديال الشيشا. خرج قرار من الجماعة فعام 2020 باش يسدو ليه المحل. رفض هاد المواطن.
كتبنا عليه ف"كود". عوض ما الخليفة او القايد يمشي عند هاد البلطجي اللي اسمو عسيلة مشى كيدور على مالين دربو ويسولهم ويقول ليهم: راه ما عندكم الحق ديرو كاميرا فالدرب. قمة العبثية اللي ما فراسش رؤساؤو.
الليلة فهاد الساعة٬ خرج اعسيلة ومعاه 4 الشمكارة عندهم سيوفا وسب الدرب كلو. سب جميع العائلات والسلطة وصلو ليها لخبار وكتفرج. اش دارو؟ شدو واحد وخلاوه هو و3 مازال كيهددو الدرب كلو.
هاد اعسيلة اللي مزوج بفرملية خدامة فكازا وما كتمشيش لخدمتها باغي ينتاقم. فين السلطة؟ السلطة متواطئة معاه بشكل من الاشكال. كيفاش رجل السلطة عوض ما يهدر على قرار بغلق محل مشى عند الجيران فالدرب كيسولهم وكيقول ليهم ممنوع ديرو كاميرات. هادا راه التواطؤ
الليلة هاد اعسيلة باغي يدير قانون الشارع وكيتحدى كاع السلطات فالدولة. هو خدمو بيه ودابا مخلينو يدير ما بغى. البوليس ما فاهم والو. شدوه 9 المرات واخا مخالف القانون ديما كيطلقوه. الليلة بغى ينتاقم من كلشي
حي الربيع