الوزير الاول الفرنسي على قضية "بيگاسوس" وتجسس المغرب على فرنسا: اولا هادشي ماشي مؤكد والتحقيقات اللي امرنا بيها ماوصلات لوالو – فيديو

اليوم نائب برلماني من فرنسا الابية La France Insoumise، سميتو Alexis Corbière اليكسيس كوربيير حط سؤال على الوزير الاول الفرنسي Jean Castex جان كاستيكس، على هادشي اللي واقع بخصوص قضية برنماج بيگاسوس Pegasus ديال شركة NSO الإسرائيلية والتجسس المعتزم ديال المغرب على فرنسا.
الوزير الاول، جاوبو وقالو ان جوابو غادي يكون قصير جدا ورسمي، واكد اولا انه الى كانو هاد الأحداث فعلا وقعات فهي بصح خطيرة بزاف، وداكشي علاش امرو بفتح تحقيقات.
واضاف كاستيكس خلال جوابو لكوربيير: وهاد التحقيقات مافلحاتش وماوصلات لوالو، فاذا من المستحيل نهضر اليوم فهادشي قبالتكم وقبالت الوطن (فرنسا).
وللاشارة الحكومة المغربية كانت اكدات في بلاغ لها أنها " ترفض هذه الادعاءات الزائفة، وتندد بها جملة وتفصيلا، وتؤكد عدم ارتكازها على أساس من الواقع، على غرار ما سبقها من ادعاءات مشابهة لمنظمة العفو الدولية بهذا الخصوص".
Jean Castex sur Pegasus: "les investigations n'ont pas abouti"