واش بنبعد الله مغاديش يترشح للانتخابات فالرباط؟..ها جوابو ل"كود"

علمت "كود" من مصدر مطلع أن نبيل بنعبد الله، الأمين العام لحزب التقدم والاشتراكية، ماحطش ترشيحو للانتخابات البرلمانية ، ومغاديش يترشح بشكل نهائي.
بنعبد الله قال ل"كود" :"موحال نترشح للبرلمان، واخا المناضلين طلبو منو نترشح فدائرتي فالرباط، لكن حاليا متفرغ للتنظيم والتأطير السياسي وللانتخابات".
ومن المتوقع أن يعلن المكتب السياسي لحزب الكتاب، عن لوائح ترشيحاته للاستحقاقات المقبلة (الجماعية والبرلمانية)، خصوصا وأن فترة إيداع الترشيحات بدأت اليوم الاثنين 16 غشت الجاري، وستستمر إلى غاية الساعة الثانية عشرة (12) من زوال يوم الأربعاء 25 غشت 2021.
كان حديث قبل أسابيع بلي بنعبد الله غادي يترشح فدائرة المحيط بالرباط، وهي الدائرة اللي غايترشح فيها رئيس الحكومة سعد الدين العثماني، اللي اصلا ممفاهمش معه مزيان وطراو ليه معه كلاشات منذ اعفاء شرفات افيلال من منصبها الوزاري فحكومة العثماني.
بنعبد الله حسب مصادر "گود"، بالامكانيات القليلة اللي عندو فالحزب، باغي يخلق المفاجأة ف عدد من الدوائر، لذلك هو تفرغ لمهمة ترتيب البيت الداخلي واعادة الوهج لهاد الحزب عبر بوابة الانتخابات المقبلة.