مرسية.. بوليس الصبليون اعتقلو 7 بسباب استغلال عمال مغاربة ماعندهمش لوراق

بوليس الصبليون شدو سبعة ديال الصبليونيين فمرسية بسباب "انتهاك حقوق العمال وتشجيع الهجرة غير الشرعية"، ومن ضمن هذ العمال مغاربة
المعنيين كلهم من جنسية إسبانية، كتراوح أعمارهم بين 34 و67 عام، وهوما خمسة رجال وجوج عيالات.
وبمجرد ما توصلات بمعطيات على انتهاكها لحقوق العمال وتوظيف الحراكَة، بقات وحدة مكافحة شبكات الهجرة والتزوير الوثائقي (UCRIF) مراقبة واحد الشركة إسبانية ديال الخضر والفواكه كاينة فCobatillas، كتستغل الوضعية غير النظامية ديال الحراكَة باش توظفهم وتهمش حقوقهم.
وتم التفتيش ديال الشركة بين 8 يوليوز و3 غشت جوج مرات، وتصاب فيها فالتفتيش اللول 20 حراكَ مغربي خدامين فظروف صحية مزرية، و7 عمال جدد مامسجلينش و11 من اللي تلقاو فاللول تصابو فالتفتيش الثاني.
وقالت UCRIF أن هذ العمال تعرضو للاستغلال، وتبزز عليهم يشريو الماتيرييل باش يخدمو، وماياخدوش كونجي، وياخدو غير 300 أورو شهريا إلى هوما حققو الأهداف المطلوبة منهم.
وطلب البوليس من السلطة القضائية يتسدو فكاتب هذ الشركة ويتعلقو أنشطتها مؤقتا.
وسبق تعتقلو 34 شخص، منهم 27 بتهمة انتهاك قانون الأجانب، ومنهم رئيس الشركة ورئيس المستودع والعاملين المسؤولين.
https://www.laopiniondemurcia.es/sociedad/2021/08/17/detienen-almacen-murcia-7-personas-56299751.html