هادو 10 اجمل معابد يهودية ف المغرب

كاينين بزاف ديال المعابد اليهودية، أو ما يعرف بالكنيس، فالمغرب، منها اللي مازال فحالة مزيانة، وكاين منها اللي لا، لكن كلها كتميز بشكلها السبيسيال، وهذا ترتيب أجمل 10 كنيس فالمملكة، اللي كتشكل التراث اليهودي المغربي
1- كنيس "بيت إيل" فكازا:
هو واحد من بين 30 كنيس يهودي فكازا، وحتى لدابا كيمكن نقولو أنه الأجمل، وكيتسمى كذلك بالمعبد الجزائري، وهو أشهر أماكن العبادة اليهودية فالمدينة، وهو المكان اللي كيتم فيه الاحتفال بمعظم الاحتفالات اليهودية المحلية، كيتميز بشراجم ملونة وثريات كبيرة وهندسة معمارية فريدة مصنوعة من الكَبص البيض والذهبي كتجذب السياح.
2- "صلاة الفاسيين" ففاس:
هو أقدم كنيس ففاس، وكان ترمم عامين، وتعاود الفتح ديالو من جديد بحلة جديدة، وكيعود تاريخ البناء ديالو للقرن 17، فحي الملاح المعروف ففاس، وفيه جميع المواصفات اللي كاينة فكَاع المعابد اليهودية فالعالم، وكان قال الملك محمد السادس، فرسالة قراها، خلال افتتاحه بعد الترميم، رئيس الحكومة السابق عبد الإله بنكيران أن هذ الكنيس "شهادة بليغة على ثراء وتنوع المكونات الروحية للمملكة المغربية وتراثها الأصيل".
3- كنيس "موشي ناحون" فطنجة:
قال عليه الكاتب الفرنسي المغربي، جاكوب كوهين، فملخص كتابو «Un pont sur le Détroit»: "كاين واحد الكنيس زوين بزاف تبنى عام 1860، لكن هذ الكنيس خاصو يتجدد"، عندو الحق، هذ الكنيس هو من أكثر المعابد إثارة للإعجاب فالمغرب، وتم من بعد استدعاء خايمي بينتو، المهندس المعماري المولود فمونتريال، وهو من أبوين يهوديين فطنجة، باش يجددو، وولا زوين بزاف.
4- "إن حباليم" فصفرو:
كاين فمدينة صفرو، اللي بعيدة بحوالي 23 كيلومتر على فاس، وهو كنيس زوين بزاف، ولكن تاريخ البناء ديالو مامعروفش.
5- "صلاة الأزاما" فمراكش:
كيقولو تبنا ف1492 من طرف اليهود اللي تطردو من سبانيا، وكيتعتبر من أجمل المعابد اليهودية فالمغرب، وكذلك الأقدم في العالم، وهو عبارة على مباني منظمة حول فناء مركزي كبير، ومجهزة بمدرسة "يشيفا"، وهي مركز لدراسة التوراة والتلمود.
6- كنيس "سيمون أتياس" فالصويرة:
هو واحد اليهودية العديدة في الصويرة، وكيعتبر معبد سيمون أتياس أكثر المعابد اليهودية اللي كيمثل العبادة اليهودية فالمدينة، وهو كذلك ثاني أكبر كنيس يهودي فالمملكة، تبنى فأواخر القرن 19، من طرف تاجر يهودي تسمى باسمو، وكان فحالة مازويناش حتى تم ترميمو ف2018.
7- كنيس "أبين دنان" ففاس:
كيقولو بللي هذا الكنيس اللي كيرجع تاريخو للقرن 17 بناه ميمون بن سيدان، وهو تاجر ثري من آيت إسحاق، وكيرجع تاريخ الترميم ديالو لعام 1999. وكيتعتبر من أعرق وأجمل الكنيست فالبلاد.
8- "إشتاق بن الوليد" فتطوان:
كاين فتطوان بزاف ديال المعابد اليهودية، من بينهم "اشتاق بن الوليد" اللي جا فالملاح فالمدينة، واللي تبنى عام 1889. وكيتوافق الإسم ديالو مع اسم الحاخام الأكبر السابق لتطوان، وهندسة هذ الكنيس عندها ستيل أندلسي.
9- كنيس "الحاخام الأكبر شالوم الزاوي" بالرباط:
إلى جانب كنيس مدرسة تلمود توراة اللي كاين فشارع هنري بوب، كاي يكون آخر مكان عبادة يهودي متبقي فالرباط، هو كنيس "الحاخام شالوم الزاوي"، اللي كاين فالملاح، وهو الأشهر فالمدينة، اللي كانو فيها 25 ألف يهودي، لكن مامعروفش واش مازال الصلا كتدار تماك.
10- كنيس الجديدة:
كيتواجد كنيس الجديدة قريب من سان سيباستيان باستيون، وولى دابا غير خربة، ومهجور لسنوات، ولكن مازال الواجهة ديال الأصلية، اللي مرسومة فيها نجمة داوود، كتجذب انتباه السياح.
https://www.yabiladi.com/articles/details/24805/plus-belles-synagogues-maroc.html