هادشي خطير.. شخص ماخلاش للأزمي بالهضرة من تحت الصمطة وهددو بالذبح والنكح – فيديو

أظهر شريط فيديو، قالب المدينة القديمة ف فاس، يتم تداوله على نطاق واسع بين مستعملي التراسل الفوري "واتساب" شي بلطجي حقير يعرض إدريس الأزمي الإدريسي، عمدة مدينة فاس المنتهية ولايته، لوابل من السب والقذف والتهديد.
وكان الأزمي قد تعرض قبل يومين في حملة انتخابية قادته إلى أزقة المدينة العتيقة في فاس، رفقة عدد من القادة المحليين لحزب العدالة والتنمية، للسب والقذف والتهديد. هادشي وقع من طرف عدد من المشرملين، وسلطات المدينة لم تتدخل وخلات هاد البلطجية يديرو مابغاو.
دبا خاص تحقيق فهادشي.. خاص هاد الحقير يتشد ويتعاقب اليوم قبل غدا. ماشي دفاعا على "البيجيدي" أو شي لون سياسي آخر، ولكن رفضا و استنكارا على هاد البلطجة اللي تعرض ليها الأزمي ف فاس، و اللي كاتشوه صورة بلادنا كاملة.
نقدرو نغوتو و نعبرو على آرائنا ونديرو أشكال احتجاجية حضارية ضد شي حاجة ماعجباناش أو ضد بعض السياسيين اللي مامتافقيتش معاهم و لكن ماشي بالبلطجية وبخطاب إجرامي. هادشي مامقبولش ف بلادنا.
دبا النيابة العامة خاصها تشوف هاد الكارثة اللي كاينة ف فاس و كيروج ليها الفيديو المذكور. وخاص حتى المحرضين والمشاركين فهاد الأفعال الإجرامية اللي معروفين يتشدو ويتعاقبو.
الأزمي كان صرح ل"كَود" أن ما وقع هو أن حزبه كان قد خرج في حملة انتخابية عادية ليتواصل مع ساكنة المدينة العتيقة، مضيفا بالقول: "كانت الجولة عادية والتواصل سلسا مع المواطنين إلى أن اعترض طريقنا شرذمة قليلة من المأجورين والمعروفين لدى ساكنة المدينة القديمة والمعروفين بفسادهم وبعدائهم لنا لأننا قطعنا عليهم البزولة ورفضنا أن نستسلم لابتزازهم وأن ندفع".
https://www.facebook.com/Goudmediaa/videos/593346772030438