تقرير صادم : "كوكا كولا" هي بطلة العالم ف التلوث بالنفايات البلاستيكية

albayancom0@gmail.com
نشرات اليوم الاثنين يومية "لوموند" الفرنسية تقرير صادم عن تورط شركة "كوكاكولا" العلامة التجارية الأمريكية ومسؤوليتها عن انتشار النفايات البلاستيكية عبر العالم. هاذ الشي على حساب المنظمة غير الحكومية "Break Free From Plastic" اللي كترسل المتطوعين ديالها إلى جميع أنحاء العالم لجمع النفايات البلاستيكية من الشواطئ والأنهار والمتنزهات والغابات والشوارع وما إلى ذلك) باستثناء القمامة.
تقرير هاذ المنظمة اللي تنشر يوم الاثنين 25 أكتوبر دار كوكاكولا على رأس قائمة الكيانات المسؤولة عن التلوث وكمية كبيرة من النفايات البلاستيكية اللي تجمعات وعددها 19826 من 39 دولة مختلفة، كتجي العبوات البلاستيكية ديالها هي الاولى. هاذ الشي واخا هاذ العلامة كتحاول بناء صورة ديال شركة مسؤولة، مثلا على موقعها على الإنترنت كتقول أن "حماية البيئة هي أولوية قصوى"، وأنها ملتزمة بضمان استرداد جميع عبوات المنتجات ديالها بحلول عام 2025 باش ما يكونش المصير ديالها صناديق القمامة أو مرمية في المحيطات.
تقرير المنظمة المذكورة، كيقول أننا مزال بعاد على هاذ الشي، بسبب التقاير المتتالية واللي كتبين ان الوضع غادي لمزيد من التدهور، مثلا التقرير الأول ديال 2018، جا فيه أن 9216 من النفايات البلاستيكية اللي تجمعات مرتبطة بالمنتجات التي تسوقها شركة كوكا كولا ، وفي تقرير عام 2019، تم رصد حوالي 11732 من النفايات ديال كوكا وفي تقرير عام 2020 تجمعات حوالي 13834 من عبوات الشركة كنفايات من أنحاء العالم. وفي عام 2021، احتلت هاذ الشركة متعددة الجنسيات رأس القائمة متفوقة على المنافسين ديالها PepsiCo ب 8231 ديال النفايات البلاستيكية و Unilever اللي جات ثالثة ب (6079).
ودايما حسب تقرير "Break Free From Plastic"، دخلت مجموعة دانون الفرنسية قائمة المراكز العشرة الأولى في الترتيب. جات ف المرتبة الثامنة (مع 3223 نفايات تم جمعها في 26 دولة)، من بعد شركة فيليب موريس، الشركة الرائدة عالميًا في صناعة التبغ، ثم شركة بروكتر آند گامبل ف (المرتبة الخامسة) وموندليز ف (المرتبة السادسة) ومارس ف (المرتبة التاسعة) وكولگيت بالموليف ف (المرتبة العاشرة). هاذ الترتيب كيظهر أن تنوع الشركات عندو علاقة بطبيعة هاذ النفايات، اللي كتشمل قراعي الصودا والماء، قوالب دانون، عبوات جل الاستحمام ومعجون الأسنان، علب كلينكس والكارو..
https://www.lemonde.fr/planete/article/2021/10/25/coca-cola-champion-du-monde-de-la-pollution-plastique_6099763_3244.html