واش غاتشعل تاني معاهم بحال اللي وقع ف جزيرة ليلى؟.. الإسبان دارو احتجاج على المغرب بسباب فيرمة ديال الحوت حدا تشافاريناس

قالت جريدة "إل باييس"، أن وزارة الخارجية الإسبانية، حطات احتجاج قبل سيمانة فالسفارة المغربية فمدريد، على إنشاء فيرمات خاصة بتربية الأسماك حدا جزر تشافاريناس اللي جاو قبالة سواحل "راس الما" فإقليم الناظور.
وقالت الصحيفة أن هاد الفيرمات ركباتهم شركة صبليونية فالمكان المذكور، والسلطات الإسبانية عطاتها مهلة باش تفك و تحيد هاد المزارع إيلا مابغاتش تتعرض لعقوبات، لأنها ماخداتش من عندهوم تصريح قبل تركيبها بما أنها فمياه إسبانية حسب زعم ذات الجريدة.
والسلطات المغربية كانت نشرات فالجريدة الرسمية، الترخيص للشركة المغربية "ميديتيرانيان أكوافارم"، بإنشاء مزارع للسمك، وخلاتها دير هاد الفيرمات حدا جزر تشافاريناس أو الجزر الجعفرية، حقاش ماكتعتارفش بالمياه الإقليمية ديال الثغور والجزر المحتلة.
هادشي طبعا يقدر يزيد من تأزم العلاقات بين المغرب والصبليون، وإيلا كل طرف شد ف موقفو تقدر توصل مستويات خايبين من بينها احتمال توقع "الحرب".
https://elpais.com/espana/2021-11-24/espana-protesta-ante-marruecos-por-instalar-una-piscifactoria-en-aguas-de-las-chafarinas.html