اسبانيا : "لاگوارديا سيبيل" والبوليس شدو جوج مغاربة من اللي حرگو ف سلتة مطار "بالما"

albayancom0@gmail.com
ذكرات تقارير اخبارية، أن "لاگوارديا سيبيل" والبوليس الاسباني شدو الخميس الفايت جوج مغاربة من اللي حرگو ف سلتة مطار بالما ومزال كيقلبو على 4 أخرين ما معروفش فين غبرو. هاذ الجوج تشدو ببلدية إنكا ف جزر البليار شرق إسبانيا.
وأضافت التقارير ذاتها، أن المتهم اللي تسبب ف النزول الاضطراري للطيارة، صدر تقرير طبي أكد انو ما كيعاني من أية مضاعفات ناتجة عن اصابته بمرض السكري كيف ما قال داخل الحبس، كما افاد اطباء الطوارئ قدام المحكمة بصفتهم شهود، أنهم مني طلعو للطيارة لقاو فمو بيض ورجليه متيبسين واعتقدو بشكل كبير انها أزمة سكري لكن من بعد جاتهم شكوك حول الوضع الصحي للمتهم.
وعرف مطار بالما دي مايوركا، الشهر الفايت، حادثة غريبة بعد توقف اضطراري لطيارة تابعة ل"العربية للطيران" كانت غادية ل تركيا وتوقفات باش تعطا الإسعافات لشاب عندو 23 عام دار راسو عندو السكر وجاتو غيبوبة. هاذ الظرف خلا أكثر من 20 مغربي يستغلو الفرصة وسوء الأحوال الجوية يضربوها ب حرگة، لكن البوليس والحرس المدني شدو بعد ايام البعض منهم.
https://www.ultimahora.es/sucesos/ultimas/2021/12/10/1677207/aeropuerto-palma-detenidos-inca-otros-dos-pasajeros-fugados-del-avion.html