شكون ورا حملة "اخنوش ارحل". بنكيران ل"گود": هادشي معجبنيش

عبد الإله بنكيران، رئيس الحكومة السابق وزعيم حزب العدالة والتنمية، تفاعل عبر "گود"، مع هاد الحملة للي دايرين شي وحدين وأطراف سياسية على عزيز اخنوش رئيس الحكومة، وللي فيها شعار اخنوش ارحل بعد 4 اشهر من تعيينها.
بنكيران قال عبارة وحدة من جوج كلمات ومعبرة بزاف ل"كود":" هادشي معجبنيش". اللي كيعرف بنكيران كيعرف ان اللي ما عاجبوش هو هاد اللعب الخايب واللي يقدر يكون ثمنو غالي. اللي ما يعجبوه ماشي خرجات هادا او هاداك. اللا. اللي ما عاجبوش هو هادوك اللي يقدرو يكونو كيلعبو اللاور.
بنكيران عندو الشجاعة يخرج ويقول تصريحات قوية بحال هادي فهاد الوقت واخا هو فالمعارضة وضد هاد الحكومة ولكن ما عندوش مع التخرميز
هاد الايام ناضو شي وحدين رفعو شعارات ضد اخنوش بسبب ارتفاع أسعار المحروقات والغلا فالمواد الفلاحية، واخا هاد الارتفاع ماشي الحكومة لي دارتو والسبب باين هو تقلبات السوق الدولية.
واخا هادشي باين من الناحية الاقتصادية، صحاب الفايك نيوز وبعض الاسلاميين واليساريين وبقايا 2.0 فبراير حالفين يلصقو كولشي ف اخنوش ويطالبو برحيلو، ولكن صدمهم سيدنا للي كيأمن بالعمل واللي حريص فتطبيق الدستور وشجع الحكومة على خدمتها.
فهاد الفيلم كاينين بزاف الحسابات المزورة تخلقات. ما يمكن الواحد الا يشك