اسبانيا : أم عازبة مغربية متهمة بقتل ولدها بالتنسيق مع الوالدة ديالها وكيتسناها المؤبد وقدام المحكمة قالت : لحتو ف بركاصة

albayancom0@gmail.com
قالت مواقع اخبارية اسبانية، أن محاكمة ام عازبة من المغرب عندها 20 بدات، الاثنين الفايت، ومكتب المدعي العام طلب ليها السجن المؤبد بسباب التهمة الموجهة ليها رفقة الوالدة ديالها وهي ارتكاب جريمة قتل قاصر دون سن 16عاما. وحسب ما أشارت إليه النيابة العامة، تولد الطفل في 24 مارس 2020، وحاولت الشابة خنقه والتخلص منة بمساعدة والدته، لكن جثة الرضيع مبانش ليها الاثر. المتهمات كيقولو ان الرضيع باقي حي ويمكن شي واحد لقاه ف الزنقة وداه.
وأضافت المواقع ذاتها، أن الفتاة المتهمة بقتل طفلها بمساعدة والدتها، صرحات خلال الاستماع لها، أنها غير ولدات ولاحتو ف بركاصة ف تاراگونا وانها عانات من اساءة الاب ديالها ليها منذ كان فعمرها 14 عام كما تعدى عليها وفي سن 18 عام حملات واضطرات باش تخبي حملها بسباب الخوف، ومن بعد قررات باش تدير الاجهاض، لكن فات الفوت..
القضية تفضحات ف أكتوبر 2020 ووصلات للبوليس بعد ما كشفات المدعى عليها لزميلاتها عن تفاصيل الواقعة، ومن بعد فتحات موسوس دي إسكوادرا (الشرطة الاقليمية الكتالونية) تحقيق في دجنبر 2020 ، وفي أبريل 2021، تم اعتقال المتهمات والاثنين الجاي غادي تسالي المحاكمة ديالهم بجوج..
https://elfarodeceuta.es/acusada-matar-bebe-asegura-padre-abusaba-marruecos