اهانة وكبيرة للمنتخب. زياش ومزراوي رفضو دعوة المدرب: قررو ما يلعبوش مع الاسود فالماتش الجاي وجاوبو فحساباتهم الشخصية ماشي فرسالة

ساعات بعد اعلان فوزي لقجع رئيس الجامعة الملكية لكرة القدم هاد الصباح على توجيه الدعوة الى الثلاثي: مزواري وزياش والزلزولي فاللائحة الاولية استعدادا لماتش الباراج ضد الكونغو لبلوغ مونديال قطر٬ حتى جا الرفض قبل قليل من جوج لعابة من هاد الثلاثي: المزراوي لاعب اجاكس وحكيم زياش لاعب تشيلسي.
اللعاب الاول مزراوي جاوب ماشي فرسالة رسمية الجامعة اللا٬ بل من حسابو فالانستغرام. كتب فيه رسالة قال فيها باللي كان اتصال مع مسؤولي الجامعة وباللي المدرب وحيد ما خداش الوقت باش يتلاقى بيه باش يتجاوزو الاتهامات اللي ما عندها اصل. وقال بللي هو مغربي والمغرب فقلبو وروحو ودمو وغادي يبقى يدافع على الراية وكيحب الملك وشكر الجمهور
زياش بعدو بدقائق دار رد بنفس الطريقة تقريبا. كتب على صفحتو باللي حتى حد ما تاصل بيه وحتى مشكلة ما تحلات وباللي لقى اسمو فاللائحة وباللي دابا تفكيرو مع فرقتو وصافي.