فكسيدة خايبة.. شخص مات بعدما تصاطحات طوموبيلتو مع كاميو ديال البوطاكَاز فطريق "تيزطوطين" نواحي الناظور – تصاور

سجلات الطريق الوطنية، الرابطة بين إقليمي الناظور والدريوش، تحديدا على مستوى جماعة "تيزطوطين"، قبيل أذان المغرب، كسيدة خايبة مات فيها شيفرة ديال طوموبيل بعد اصطدام قوي مع كاميو مشارجي البوطاكَاز.
وفتفاصيل الحادثة، السبب الرئيسي هو الدوبلاج فمكان ممنوع، الشي البي خلا الكاميو يتصاطح بقوة مع السيارة الخفيفة من نوع "هيونداي"، والليي مات الشيفور ديالها فالبلاصة، فحين تنقل الشيفور دالكاميون للصبيطار الإقليمي فالناظور وهو فحالة حرجة.
ولقات عناصر الوقاية المدنية، صعوبة كبيرة باش تجبد السيد اللي مات وسط طوموبيلتو، بسبب الأضرار الكبيرة اللي تسجلات على مستوى الهيكل وتكمشات بشكل كبير، كيما تسجل استنفار كبير فوسط الدرك الملكي، اللي حضرو بسرعة من أجل تنظيم السير، وفتح تحقيق في الواقعة.