هادوك اللي هاجمو وحيد خاصهم كثر من يعتادرو. الاسود خسرو غير فماتش اميكال. راه بلجيكا وكرواتيا طاحو بجوج ب3 وكثر فماتش رسمي

دابا هادوك اللي كيسبو وحيد مدرب الاسود حقاش المنتخب خسر فماتش اميكال ضد ميريكان ب3 لزيرو خاصهم يحشمو على عراضهم. فيهم شي وحدين لعبو مع المنتخب بحال هاداك اللي خدام عند القطريين يوسف شيبو.
الليلة طاحو جوج منتخبات فمجموعة المغرب فالمونديال القطري فدوري المجموعات للامم الاوربية. طاحو جوج منتخبات قوية بزاف. كرواتيا وبلجيكا
بلجيكا خسرات فتيرانها ب4 لوحد فملعب الملك بودوان، ضمن لقاءات الجولة الأولى من مرحلة المجموعات لدوري الأمم الأوروبية لكرة القدم.
وسجل رباعية هولندا ستيفن بيرغوين (د 40) وممفيس ديباي (د 51 ود 66) ودينزل دومفريس (62)، بينما سجل هدف بلجيكا الوحيد ميتشي باتشواي (د 90+3).
فالمجموعة الاولى من نفس المسابقة ربح المنتخب النمساوي كرواتيا فتيرانها ب 3-0. اول بيت ماركاتو النمسا كان فالدقيقة 41 عن طريق ماركو مارناتوفيتش فالدقيقة 54 ماركا ميكائيل جريجوريتش البيت التاني وماركا مارسيل سابيتزر الهدف الثالث فالدقيقة 88.
ودابا يخليو عليهم المدرب وحيد يخدم على خاطرو بلا هاد المعيور ولا هاديك الوقاحة اللي دارها شي حد فجمهور المغرب بامريكا باش تبعو كيسب فيه. هادو راهم ماشي اي منتخب. راهم من لمرشحين يديو مونديال قطر. اخر مونديال 2018 وحدة لعبات الفينال وخسراتو ضد فرانسا اللي هي كرواتيا ووحدة جات الثالثة اللي هي بلجيكا