قبل الفراق.. شاكيرا حاولات تصلح الجرة مع بيكي على ود ولادها وهو بقا معفر ودافع كبير

تقارير إعلامية صبليونية قالت أن النجمة الكولومبية شاكيرا، حاولات تصلح الجرة مع حبيبها السابق، مدافع فريق برشلونة، جيرار بيكي، لكنه رفض وفالتالي قررو أنهم يعلنو الإنفصال ديالهم بشكل نهائي ورسمي.
الصحافة قالت أن شاكيرا حاولات تلقى شي حل اللي يكون فصالح ولادها بالدرجة اللولة، ولكن الجروح اللي تسبب ليها فيهم بيكي، زائد أنه بقا دافع كبير ومابغاش يعتارف بالزبايل اللي دار، هادشي كلو خلاها تعلن الإنفصال، وخصوصا أيضا أنه ما عاونش يفكر فحلول أخرى اللي تقدر تصلح الأمور بأقل الأضرار، وبعدها غيخرج الإعلان اللي كان فاللول من طرفها فقط واللي فاجأ بيكي.
وكتروج بعض وسائل الإعلام الإسبانية الأخرى أن بيكي أصلا ما خانش شاكيرا، لأنهم قررو يعيشو علاقة مفتوحة وليبر منذ 3 سنين هادي، هي دير اللي بغات وهو كذلك، وأشارت (هاد وسائل الإعلام) بللي تقدر تكون مشاكل أخرى هي السباب فالفراق اللي وقع.