عامل بنسليمان عطى ارض فلاحية لاتراك كيخدمو مع جيشهم باش يديروها باركين لطونوبيلات بلا رخص. فلاحة يتشكاو والسكان ما فاهمين والو: صور

شركة تركية اسمها "اوسمان" دايرة جريمة بيئية فالمنصورية حدا المحمدية. هاد الشركة اللي كتخدم مع جيش تركيا، ما جابتش شي قيمة مضافة محتاجها المغرب فهاد الاستثمار، اللا؟ جات وكرات فارض فلاحيةرجعاتها باركين كبير بلا ادنى لاحترام للبيئة. بل باللي دوز حداهم بعد ما بغاو يتوسعو وكراو ارض اخرى بدعم من عامل بنسليمان ورئيسالجامعة الامبراطور كريمين، ما معقلين حتى شي اشارة باللي عندهم شي رخصة. هي فوضى وصافي
فتقديم هاد الشركة اللي كتخدم مع الجيش التركي، فيه انها باغية دير بارك للطونوبيلات كيهز 2300 طونوبيلة فالمنصورية
وقالو باللي خداو ش4.5 هكتار وباللي غاديين يديرو كيف قال مديرهم بالمغرب اوگراس دالكيليش باللي غادي يديرو ايماجمون. ما دارو حتىشي تهيئة. كيقتلو فالبيئة. كيضرو فالاراضي الفلاحية.
كيف عاينات "كود" ما كاين حتى شي اجراءات وقائية. خداو ارض فلاحية وزادو وحدة اخرى وفق مصادر "كود" مساحتها 6 هكتار تقريباوكيشريو الطونوبيلات من شركات ليزين وكيعاودو فيهم البيع. هادي ماشي لوجيستيك. هادا بيزنس.
هادو حاطين الطونوبيلات كيف اتفق. ناس المنطقة اللي هدرات معاهم "كود" ما فاهمين والو. واش هادو هما المشاريع اللي محتاجينها؟هادي راها كدمر الارض. شوف فين دايرين هاد الطونوبيلات وشوف كيفاش حاطينهم. دايرين الفوضى وكلشي متواطئ معاهم من السلطاتحتى المنتخبين" يوضح احد الفلاحة ولد المنطقة. كيتوقع هاد الشي يضر الارض بزاف ويضر بفلاحتو. طالب هاد الفلاح بتدخل عاجل منالرباط ماشي من شي بلاصة اخرى، باش يتوقف هاد المشروع
دابا واش هاد العامل وهاد الامبراطور ديال كريمين عندهم علاش يحشمو. اش من قيمة مضافة يجيبها مشروع بحال هادا للمغرب. علاش اصلا يعطيوه رخصة واش من رخصة خداها. خاص شي تحقيق وخارج بنسليمان