النياية العامة فالدار البيضاء صيفطات قايد ديال "النسيم" للتحقيق بسباب شهادة سكنى مزورة كان عطاها للبرلماني المشدود بابور الصغير

النياية العامة ديال محكمة الاستئناف بالدارالبيضاء حالت رجل سلطة برتبة قايد ديال منطقة "النسيم" على قاضي التحقيق باش يتصنتو ليه على ود شي شهادة سكنى مزورة تعطات للبرلماني البابور الصغير بانت للناس ديال الفرقة الوطنية، أن المتهم البرلماني ماعندوش نفس العنوان ديال لاكارط ناسيونال وبللي راه كيسكن فسطات.
وقالت مصادر "گود" أن التفاصيل ديال هادشي كترجع من بعد ما سمعو للمتهم البرلماني ديال حزب الاتحاد الدستوري بابور الصغير، اللي مشدود فعكاشة بتهمة النصب والاحتيال على مؤسسات بنكية والتزوير فوثائق رسمية.
والمتهم قال بللي راه مشى للملحقة الإدارية "النسيم" واتاصل بأحد الشيوخ وهو اللي جاب ليه الشهادة وموقع فيها القايد، و زاد المتهم قال بللي خداها بلاما يعطي حتى شي ريال لأعوان السلطة لكن الأبحاث القضائية التي باشرتها الضابطة القضائية المكلفة بالتحقيق كشفات حوايج أخرى.