لأول مرة من نهار تزادت، حضرات "عيون جورج وسوف" الحفلة الموسيقية ديال باها اللي كانت فالأردن وبالضبط ففيستفال "الفحيص"، واللي حضرو فيه الآلاف ديال الناس، وفاجأ فيه المغني وسوف الجمهور بوجود البنت ديالو بيناتهم. جورج وسوف من المنصة وجه التحية لبنتو "عيون"، اللي كانت كَالسة مع مراتو فالصف اللول، وغنا ليها وحدة من أشهر أغانيه وهي "خسرت كل الناس علشانه". ونشر جورج وسوف (60 عام) فيديو اللي بانت فيه بنتو حشمانة من الكاميرا على صفحتو الرسمية ف"أنستكَرام"، وكتب تعليق معاها: "لأول مرة أنا على المسرح وقدامي بنتي عيون جورج وسوف الغالية.. ماقاداني فرحة". https://www.instagram.com/p/ChKiNWbjflY/?utm_source=ig_web_copy_link عيون هي البنت الصغيرة ديال جورج وسوف من طليقتو، بطلة الراليات القطرية من أصل فلسطيني "ندى زيدان" (45 عام)، اللي كانت عاشت قصة حب مع المغني السوري بدات ف2014 وسالات بالطلاق ف2017. https://www.instagram.com/p/CbX6vjwBp6D/?utm_source=ig_web_copy_link