فوزي لقجع: ها الأهداف اللي اتفقنا عليها مع وليد الركراكي – فيديو

أكد فوزي لقجع رئيس الجامعة الملكية المغربية لكرة القدم على أن المنتخب الوطني المغربي لكرة القدم خاصو يتواجد دائما فمقدمة المنتخبات الإفريقية فالمرحلة المقبلة اللي غايشرف فيها وليد الركراكي على تدريب ليكيب ناسيونال.
وأوضح فوزي لقجع خلال حفل تقديم ناخب الجديد وليد الركراكي: "تمكن فالمرحلة الماضية مع وحيد حاليوزيتش من تحقيق الاهم وهو التأهل إلى كأس العالم للمرة الثانية على التوالي، وكانت مجموعة من الأمور كاتحتم علينا التساؤل باستمرار بهدف خدمة المنتخب الوطني المغربي وتحضيره باش يكون فأفضل الظروف ويحقق أفضل النتائج اللي تدخل الفرحة على الملك والشعب المغربي".
فوزي لقجع كشف: "العقد اللي غايربط الجامعة الملكية المغربية لكرة القدم بالمدرب وليد الركراكي، غايستمر إلى غاية سنة 2026 وبالضبط المونديال اللي غايكون فعام 2026، مرورا بكأس إفريقيا ديال 2024 فالكوت ديفوار".
وأكد فوزي لقجع: "العقد مع وليد الركراكي مرتبط بأهداف أخذنا الوقت الكافي فالمناقشة ديالها، مع الركراكي وهي الظهور دائما بأحسن وجه وتحقيق النتائج اللي كاترضي جميع المغاربة، والحضور فكأس العالم للمرة السادسة يحتم علينا اننا نمشيو إلى أبعاد حد ممكن نظرا للظروف الموضوعية اللي كاتحيط بالمنتخب الوطني وللاعبين اللي كايتوفر عليهم".
وشدد فوزي لقجع: "غايكون تقييم ديالنا لكل مرحلة فالعقد ديال وليد الركراكي، وهدفنا تأكدوا فكأس إفريقيا الترتيب ديالنا الإفريقي، اليوم حنا الثانيين إفريقيا ولا يمكن للمنتخب يبلغ دور أقل من نصف نهائي كأس إفريقيا".