فيديو. السوالم بداو مفاجأتهم بكري فالبطولة والضحية إتحاد طنجة

انطلق فريق شباب السوالم فخلق المفاجأة مع بداية الموسم الرياضي الجديد وحقق فوز مهم على اتحاد طنجة، مساء اليوم السبت بملعب البشير بالمحمدية فأول ماتش ديال البطولة.
ونجح شباب السوالم بقايدة المدرب زكرياء عبوب، فالانتصار بهدف واحد لصفر على اتحاد طنجة، هذا الأخير اللي غاب عليه المدرب ديالو بادو الزاكي بسبب الظروف العائلية القاهرة اللي كيمر منها جراء وفاة الزوجة ديالو.
وسجل هدف الفوز فالماتس لشباب السوالم اللاعب ديالو مصطفى السهد فالدقيقة 47، اللي استغل خطأ قاتل فدفاع فريق إتحاد طنجة ووضع الكرة فمرمى الحارس عيسى السيودي.
وظلت النتيجة كما هي عليه حتى نهاية المباراة بانتصار شباب السوالم واللي حصل على ثلاث نقاط، فالوقت اللي خرج إتحاد طنجة بصفر نقطة من أول ماتش له هذا الموسم، مع العلم أنه هو اللي كان مستقبل اللقاء.