اتهامات لمستشارة جماعية ففاس بالنصب بالسماوي: كانت مقترحة باش تكون عمدة ديال فاس وها فاش متورطة

علمت "كود" أن عشرات المستخدمين في إحدى الوحدات الفندقية المعروفة بشارع علال بن عبد الله وسط مدينة فاس، مشاو اليوم الجمعة لولاية أمن فاس باش يحطو شكايات ضد مستشارة جماعية كتخدم معاهوم فهاد لوطيل.
حسب مصادر "كود"، فإن هاد المستشارة الجماعية مشات هي اللولة باش تحط شي شكاية ضد عامل فهاد الفندق بداعي أنه هددها. هاد الشكاية فيه شكوك واش صحيح هادشي أو كذوب. البحث اللي غادي يقول آه أو لا.
ووفق ما كشفت عنه مصادر "كود"، فإن الأمر يتعلق بمستشارة جماعية ونائبة رئيس مقاطعة أكدال مكلفة بالثقافة يشتبه في تورطها في ارتكاب جرائم النصب والاحتيال على عشرات المواطنين، وأغلبهم مستخدمين في الوحدة الفندقية التي تعمل بها منذ سنوات.
وقالت مصادرنا أن هاد السيدة منتمية لحزب التجمع الوطني للأحرار يشتبه باللي كانت كتطلب من الضحايا مبالغ مالية متفاوتة على أساس جني أرباح وهمية. دبا الضحايا غادي يمشيو يحطو شكايات عند النيابة العامة باش يكون بحث على هادشي اللي قالو عند البوليس. "لابيجي" طلبو منهوم يمشيو للنيابة العامة باش يحطو الشكايات.
المعنية بالأمر كانت مقترحة أن تكون عمدة على مدينة فاس بعدما اقترحها النائب البرلماني رشيد الفايق الموجود حاليا رهن الاعتقال الاحتياطي في جرائم فساد باعتباره آنذاك منسق التجمع الوطني للأحرار.