البوليس وقف محاولة اختطاف بنت قدام بواط "سانكيام أفوني" فالعاصمة

علمت "گود" من مصدر مطلع، أن محاولة اختطاف تعرضت ليها بنت من طرف جوج راكبين فسيارة من نوع BMW، وذلك امام بواط سانكيام أفوني لي فحي أكدال بالرباط.
وحسب مصدر "گود" فإن البوليس تدخل وحاصرو السيارة لي خطفات البنت مع 4 صباح، وقفو السيارة واللي راكبين فيها.
البنات كانت خارجة من بواط بعدما تعرضت للاختطاف بدات كتغوت وجاو ناس وحاصرو الطوموبيل. ومن بعد جا البوليس.
وأكد مصدر "گود" بلي هاد البواط ديما كتعرف صداع ومشاداة كتوصل للمضاربة، رغم انه كتعتبر ثاني أقدم بواط فالعاصمة، وكانت ديال الجنرال القادري، قبل ما تحول لأشخاص آخرين.
هاد الفوضى لي كتكون قبالت هاد البواط كتعرقل السير وكتهدد أمن المارين فداك الشارع، وللي اغلب هاد المشاحنات كيكون مصدرها من المسؤولين على هاد البواط لي كيدخلو فخلافات وصداع مع الكليان، حسب شهود شافو هادشي.
إلى ذلك، علمت "گود" بلي اغلب المستخدمين فهاد البواط غير مسجلين ف cnss، مثل اغلب لي بواط فالعاصمة.
إلى ذلك اتصلت كود بمسؤولة التواصل في ولاية امن الرباط، لكن دون الحصول على معلومات حول الواقعة.