هادي غيابات الرجاء فماتش حسنية أكادير

غادي يغيب على الرجاء الرياضي فماتش اليوم الأربعاء، ضد حسنية أكادير ضمن الجولة 5 من منافسات البطولة الاحترافية لكرة القدم، عدد من اللعابا.
وكتعرف لاليست ديال المدرب منذر الكبير غياب عدد من الأسماء عن الرجاء فماتش حسنية أكادير، لكن كيبقى أبرزها المدافع جمال حركاس اللي توعت فالمباراة الماضية ضد نيجيليك من النيجر فدوري أبطال إفريقيا، ودابا كيحاول طاقم الطبي ديال الخضرا يوجدو للديربي الأحد الجاي.
صفوق الرجاء كتعرف غياب لعابا آخرين فماتش اليوم لأسباب مختلفة وكيتعلق الأمر بالحارس مروان فخر، والجناح هيثم البهجة، والمهاجم الحسين رحيمي اللي ما كاينينش فلاليست ديال الفريق ضد الحسنية.
وكيسعى الرجاء الرياضي إلى تحقيق أول انتصار له فالبطولة فهاذ الموسم ملي غادي يستقبل مساء اليوم حسنية اكادير فماتش مؤجل عن الجولة 5، باش يدخل للديربي بمعنويات مرتفعة، خصوصا وأنه الأحد الجاي غادي يواجه الغريم الوداد الرياضي اللي كيتواجد فالمراكز الأولى عكس الخضرا اللي دارت انطلاقة كارثية حيث خسرات ماتش وتعادلات 3 وعندها فقط 3 نقاط.