الرجاء مهدد بالحرمان من لعاب مهم فالديربي

صبحت الإصابة كتهدد حضور جمال حركاس فماش الديربي ضد الوداد الرياضي الأحد المقبل ضمن منافسات البطولة الاحترافية لكرة القدم.
وكشف مصدر مطلع أن جمال حركاس واللي موعت فالفخذ ديالو كيخضع للعلاج والراحة بحيث غيغيب على الرجاء فماتش حسنية أكادير غدا الأربعاء فمؤجل الجولة 5 من البطولة.
نفس المصدر قال إن الطاقم الطبي والتقني ديال الرجاء كيحاولوا يوجدوا حركاس باش يكون حاضر فماتش الديربي ضد الوداد الرياضي، لكن لقرار باش يلعب أو لا يغيب ضد الواك باقي ما صدرش، فانتظار تطورات الحالة ديالو من هنا اليوم الأحد.
وكاين قلق كبير وسط مكونات الرجاء الرياضي بسبب إصابة جمال حركاس اللي توعت فماتش السبت الماضي، ضد ريفرز يونايتد النيجيري فعصبة أبطال إفريقيا، خصوصا وأن اللعاب كيتعتبر من ركائز الفرقة والغياب ديالو يقدر يتسبب فعدم استقرار فدفاع الفرقة وهو الأمر اللي مخلي جمهور الرجاء مبرزط خصوصا وأن هذا الويكاند غادي يكون ماتش الديربي اللي مؤجل عن الجولة 6.