لمحامي زهراش: كنشكر الفنانين الكبار لي سحبو شكايتهم وأب طوطو دخل المصحة بسباب لي وقع لولدو

عبر عبد الفتاح زهراش، محامي الفنان طه فصحي الملقب ب"الكراندي طوطو"، عن شكره للفنانين لي قدمو شكاية ضد طوطو، بعدما تنازلو وطواو صفحة.
وقال زهراش في تصريح صحفي بأن الاب ديال طوطو تأثر بهاد الخطوة لي دارو الفنانين، مضيفا:"بلي كيتواجد فمصحة بسباب وضعيتو ولدو طه".
وأضاف زهراش: "الفنانين لي تنازلو زادو كبرو عند المغاربة والمغربيات وعند الروابا، وبلي الاغنية المغربية عريقة بتاريخ الدولة وفنه".
وتمنى المحامي زهراش، من الصحفي التيجيني يخطو نفس الخطوة لي دارو الفنانين الكبار.
يشار بليى كل من عبد الوهاب الدكالي وعبد الله عصامي وعبد العاطي أمنا، ومولاي أحمد العلوي، هو لي قدمو التنازل.
وبخصوص شكاية ديال رجل امن ضد طوطو، قال زهراش بلي مزال مطلعش على المسطرة كاملة واش صحيح ولا.
وعاد المحامي ليطالب بتعميم تطبيق القانون على المسؤولين الفاسدين ومغتصبي الخادمات، والمتحرشين جنسيا بالعاملات، ولي كيعطلو الاستثمار فالبلاد، مضيفا :"ماشي كولشي نعلقوه على طوطو".
دبا كاين التقديم ديال طوطو امام النيابة العامة في حالة سراح.