الوداد غادي يديرو انتدابات فالميركاتو الجاي باش يقويو الفرقة

من المنتظر يقوم الوداد الرياضي بتدعيم صفوف الفريق فالميركاتو الشتوي اللي جاي، بلاعبين قادرين على منح الاضافة لبطل المغرب وإفريقيا اللي عندو رغبة كبيرة باش يدافع على ألقابو اللي ربح الموسم الماضي.
وغادي يشرف المدرب الحسين عموتة والطاقم التقني ديال الوداد الرياضي على تحديد ليبوسط اللي محتاجين فيهم عناصر جديد، والأسماء اللي كيشوفوها قادرة على تقوية صفوف الفرقة وغادي يقدموها لرئيس النادي سعيد الناصيري والمكتب المديري ديالو، اللي مهمتو هي توفير الاحتياجات ديال المدرب والفرقة لتحقيق النتائج المرضية للجماهير الودادية.
ومعول الحسين عموتة مدرب الوداد الرياضي فالميركاتو الشتوي اللي جاي باش يقوي صفوف الفريق الأحمر اللي غادي يستأنف المنافسات من بعد توقف الكرة بسبب كأس العالم، باش يحافظ على لقب البطولة الإحترافية ودوري أبطال إفريقيا ويربح لقب كأس العرش.