البايرن: ها حالة ساديو ماني

كشف بايرن ميونخ لالماني قبل لحظات على الحالة الصحية ديال النجم الإفريقي ساديو ماني واللي كتحوم الشكوك حول المشاركة ديالو مع منتخب بلادو السنغال فكأس العالم، من بعد الإصابة اللي تعرض لها البارح مع فرقتو ضد بريمن فبطولة لالمان.
بايرن ميونخ وفأول خروج له من بعد الإصابة ديال ساديو ماني اللي كيتعتبر ثاني أفضل لعاب فالعالم حاليا من بعد الفرنساوي كريم بنزيما، قال بلي الكابيتان ديال السنغال، توعت وماغاديش يلعب الماتش الجاي مع الفرقة ضد شالكة فبطولة لالمان.
وكشف بايرن ميونيخ أن ساديو ماني مازال غادي يخضع لفحوصات طبية فالأيام اللي جايا، باش يتم تحديد الحالة ديال اللعاب وأن الاطباء ديال الفريق لالماني فاتصال مع الطاقم الطبي ديال منتخب السنغال.
وكيجي هاذ الخروج ديال بايرن ميونيخ لالماني من بعدما كشفت ليكيب الفرنسية قبل ساعات، بلي ساديو ماني ماغاديش يشارك مع منتخب السنغال فكأس العالم فقطر بسبب الاصابة اللي عندو من بعدما توعت البارح فالماتش ما بين بايرن ميونيخ وفيردر بريمن.