دار المنتخب الوطني المغربي قبل لحظات من صباح اليوم الثلاثاء، زيارة لتيران "البيت" فقطر اللي غادي يلعب فيه الماتش ديالو ضد كرواتيا غدا الأربعاء فالجولة الأولى من كأس العالم قطر 2022. ومشاو أفراد الطاقم التقني بقيادة وليد الركراكي واللعابا ديال المنتخب الوطني المغربي دارو دورة فتيران "البيت باش يتعرفو على المرافق ديالو وعلى الأرض ديال الملعب اللي غادي يلعبو فيه. وجات الزيارة ديال المنتخب الوطني المغربي لتيران "البيت من بعد طلب توجهت به الجامعة الملكية المغربية لكرة القدم للاتحاد الدولي لزيارة التيران، حيث ممنوع على المنتخبات فمونظيال قطر تدرب فالتيرانات اللي كيتلعبو فيهم الماتشات، وبالتالي فكان على الجامعة تحرك باش اللعابا ديال ليكيب ناسيونال ياخدو فكرة على التيران اللي غادي يلعبو فيه. وكان بعد الزيارة اللي دار المنتخب الوطني المغربي لتيران "البيت"، توجهو اللعابا ديال والطاقم التقني لتيران الدحيل باش يديرو الحصة التدريبية الأخيرة قبل الماتش ديال كرواتيا، واللي غادي تبدا مع 11 ونص ديال هاد الصباح.
