سايس: درنا أخطأ ضد كرواتيا وماكناش مزيانين فالهجوم وخاصنا نربحو بلجيكا

اعتبر غانم سايس الكابيتان ديال المنتخب الوطني المغربي، التعادل زيرو لزيرو ضد كرواتيا مزيان، فأول ماتش ديال كأس العالم قطر 2022، واعترف بلي اللعابا ديال ليكيب ناسيونال دارو أغلاط ومكانوش مزيانين فالهجوم، وأكد باللي الرباح ضروري ضد بلجيكا.
وقال غانم سايس من بعدما سالا الماتش ديال المغرب وكرواتيا: "ملي ما كتربحش عرف بلي شي حاجة ناقصة عندك، والتعادل كيبقى مزيان ضد كرواتيا اللي عندها أحسن وسط فالعالم ولكن كنا نستاهلو كثر من هاد النتيجة".
وأكد سايس: "إلى كنتي طموح فالماتش خاصك تلعب مزيان فالهجوم، حنا درنا أخطأ وكان خاصنا نبقاو واقفين مزيان فالدفاع، باش نحافظو على النتيجة وهذا هو كأس العالم وغادي نتحسنو ماتش من بعد ماتش، وضد بلجيكا خاصنا الربحو".